Original:
Die Gründe für die Ungerechtigkeit von Gesetzen
[1] Iniustae autem sunt leges dupliciter.
[2] Uno modo, per contrarietatem ad bonum humanum [...]: vel ex fine, sicut cum aliquis praesidens leges imponit onerosas subditis non pertinentes ad utilitatem communem, sed magis ad propriam cupiditatem vel gloriam; vel etiam ex auctore, sicut cum aliquis legem fert ultra sibi commissam potestatem; vel etiam ex forma, puta cum inaequaliter onera multitudini dispensantur, etiam si ordinentur ad bonum commune. Et huiusmodi magis sunt violentiae quam leges [...]. Unde tales leges non obligant in foro conscientiae, nisi forte propter vitandum scandalum vel turbationem.
[3] Alio modo leges possunt iniustae per contrarietatem ad bonum divinum: sicut leges tyrannorum inducentes ad idololatriam vel ad quodcumque aliud quod sit contra legem divinam. Et tales leges nullo modo licet observare.
Quelle:
Thomas von Aquin:
Summa theologiae I-II
/
Summa theologiae
(
Sth.)
I-II 96, 4 responsio.
Edition: N.N.
Themen:
-
Gesetz und Gewissen
-
Ungerechtigkeit