Original:
Platon schildert, wie Sokrates Thrasymachos widerlegt
Ἃ δ᾿ ἂν θῶνται, ποιητέον τοῖς ἀρχομένοις, καὶ τοῦτο ἐστι τὸ δίκαιον;
Πῶς γὰρ οὔ.
Οὐ μόνον ἄρα δίκαιόν ἐστιν κατὰ τὸν σὸν λόγον τὸ τοῦ κρείττονος ξύμφερον ποιεῖν, ἀλλὰ καὶ τοὐναντίον, τὸ μὴ ξύμφερον.
Τί λέγεις σύ; ἔφη.
Ἃ σὺ λέγεις, ἔμοιγε δοκῶ. Σκοπῶμεν δὲ βέλτιον. Οὐχ ὡμολόγηται τοὺς ἄρχοντας τοῖς ἀρχομένοις προστάττοντας ποιεῖν ἄττα ἐνίοτε διαμαρτάνειν τοῦ ἑαυτοῖς βελτίστου, ἃ δ᾿ ἂν προστάττωσιν οἱ ἄρχοντες δίκαιον εἶναι τοῖς ἀρχομένοις ποιεῖν; ταῦτ᾿ οὐχ ὡμολόγηται;
Οἶμαι ἔγωγε, ἔφη.
Οἴου τοίνυν, ἦν δ᾿ ἐγώ, καὶ τὰ ἀξύμφορα ποιεῖν τοῖς ἄρχουσι τε καὶ κρείττοσι δίκαιον εἶναι ὡμολογῆσθαι σοι, ὅταν οἱ μὲν ἄρχοντες ἄκοντες κακὰ αὑτοῖς προστάττωσιν, τοῖς δὲ δίκαιον εἶναι φῂς ταῦτα ποιεῖν ἃ ἐκεῖνοι προσέταξαν; ἆρα τότε, ὦ σοφώτατε Θρασύμαχε, οὐκ ἀναγκαῖον ξυμβαίνειν αὐτὸ οὑτωσί, δίκαιον εἶναι ποιεῖν τοὐναντίον ἢ ὃ σὺ λέγεις; τὸ γὰρ τοῦ κρείττονος ἀξύμφορον δήπου προστάττεται τοῖς ἥττοσιν ποιεῖν.
Quelle:
Platon:
Der Staat (Platon)
/
Πολιτεία
/
De re publica
(
rep.)
I, 339cd.
Edition: N.N.
Themen: