Original:
Spinoza begründet die Notwendigkeit, die der Entstehung der Welt innewohnt
Propositio XXXIII. Res nullo alio modo, neque alio ordine a Deo produci potuerunt, quam productae sunt. [...]
Scholium. [...] Non dubito, quin multi hanc sententiam, ut absurdam, explodant [...]; idque nulla alia de causa, quam quia Deo aliam libertatem assueti sunt tribuere, longe diversam ab illa, qua a nobis (Defin. 7.) tradita est; videlicet, absolutam voluntatem. [...] Res nullo alio potuisse modo, neque ordine a Deo creari [...] facile erit ostendendum. [...] Nam alias imperfectionis et inconstantiae argueretur. At cum in aeterno non detur ,quando‘, ,ante‘, nec ,post‘: hinc, ex sola scilicet Dei perfectione, sequitur, Deum aliud decernere nunquam posse, nec umquam potuisse. [...]
Quare argumentum in ipsos retorquere possum, hoc modo. Omnia a Dei potestate pendent. Ut res itaque aliter se habere possint, Dei necessario voluntas aliter se habere etiam deberet; atqui Dei voluntas aliter se habere nequit. (ut modo ex Dei perfectione evidentissime ostendimus). Ergo neque res aliter se habere possunt.
Quelle:
Spinoza, Baruch de:
Die Ethik, auf geometrische Weise geordnet
/
Ethica more geometrico ordinata
I, Lehrsatz 33.
Edition: N.N.
Themen:
-
Entstehung der Welt
-
Gott und die Welt
-
Freiheit